تم الاتفاق بين اتحاد اصحاب العمل وكل من بنك السودان ووزارة المالية، على توحيد سعر صرف الدولار الجمركى بالسعر الرسمى الصادر من بنك السودان المركزى.
وقال المسؤول الصحفي لدى الاتحاد عادل حاج علي إن الاتفاق الذي تم فى إجتماع مشترك ضم وزير المالية الدكتور عوض احمد الجاز ومحافظ بنك السودان المركزى الدكتور صابر محمد الحسن ،ورئيس إتحاد عام اصحاب العمل سعود مأمون البرير ومدير هيئة الجمارك اللواء سيف الدين عمر سليمان، جاء إستجابة للمذكرة التى كان قد رفعها اتحاد اصحاب العمل بضرورة مراجعة الزيادة التى طرأت على التقييم لسعر الدولار الجمركى من 2.2 جنيه الى 2.5 جنيه، وإعتماد توحيد سعر صرف الدولار الجمركى وسعر الدولار بالبنك المركزى.
ورحب اتحاد عام اصحاب العمل بالإتفاق ، وقال رئيس اتحاد اصحاب العمل، البرير، ان الاتفاق من شأنه ان يعمل على خفض اسعار السلع والخدمات بنسبة تتجاوز ال11 % مما يعطى حافزا لاصحاب العمل والقطاع الخاص.
وكان الاتفاق قد تم بين بنك السودان والجمارك واصحاب العمل ووزارة المالية والاقتصاد الوطنى .
الصحافة
تم إضافته يوم الثلاثاء 09/02/2010 م - الموافق 25-2-1431 هـ الساعة 12:36 صباحاً
انى ارى صورة واحد من العشره الكرام المهندس ( عوض احمد الجاز ) و هو يضحك ملء شدقيه لذلك اريد ان اعرف سر هذه الضحكه ؟؟؟؟ و اجمل تعليق اعجبنى و اضحكنى هو تعليق الا ( جارعودو ) فالظاهر الراجل من مدينة ( الخوى ) و اكل تقاوى محسنة
[جارعودو] [ 09/02/2010 الساعة 7:41 صباحاً]
وده بيضحك مالو برضو اكل تقاوي ولا مال البترول ولا وزارة الصحه ما شافتوا
[ود الحبوب] [ 09/02/2010 الساعة 1:59 صباحاً]
يا دوووب حسوا بالمواطن والنسبة 11% قليلة من مجموع النسبة الجمركية التي تصل لاكثر من سعر السعله نفسها .. يعني بياخدوا في اي توريدة اكثر من 130% بالله دا ما شغل همبته وسرقة عينك عينك .. مع انه في شركات ما بتدفع اي تعريفه جمركية .. اما المحسوبية يعني مثلا بتورد مواد غذائية بتم فحصها بعد 21 يوم يعني انت ح تدفع جمارك رسوم ميناء نسبة لرسو الباخرة لاكتر من 21 يوم علما بان البضاعة المستوردة سلفا بتكون اتقدمت ليه عينات للموافقه .. وفي ناس بتدخل بضاعته من غير اي شي وتعال شوف الفرق في السعر بكون علي حساب المواطن المسكين التعبان .. حرروا البلد وخلوه مفتوحه وتكون المنافسة شريفه ودا كلوا بنصب لمصلحة المواطن