اقتباس:
المشاركة الأصلية كتبت بواسطة الكعب
مالك داير تبكينا مع الصباح
كفاية النحن فيهو
ان شاء الله قريب نتلاقى في حدائق عبود
اذا كانت لسه موجودة |
الأخ السمح... أنا بقول كدا عشان قبل عقدين من الزمان كان ممكن يكون (السمح) بس
الان لازم تقول (الكعب) عشان الناس تغيرت وصار لازم تسمي أسم كعب عشان بتركوك في حالك..
لك عاطر التحايا والأشواق..
أبكي يا أخي أبكي مالو البكاء فيه راحه للنفس..
ما كفايه النحنا فيهو لازم نزيدو شويه..
إن شاء الله قريب نتلاقي في جنينة عبود.. هو يازوول إسمها كدي من قمنا... مالك داير تلخبطنا ساي..
في قاعدة بس شارع الظلط الكان بفصلن قفلوهو وبقن الجنينتين زي قطر كريمة... تمشي لمن روحك
تطلع حتى تحصل آخر الشارع ... قبال سنتين جيت بسيارة وغشيت بحري الأهلية ولما جيت جنب جنينة عبود
لقيت شارع الظلط مافي مقفول الشارع ومشيت لغاية الميدان بتاع الكورة فاكرو الجنب (مرطبات بحري)
الجنب (بحرى الحكومية) جنب (الستة بيوت) شفتا الشدة دي كيف؟؟؟؟
سعيد جداً بمعرفتك أخي الكعب... بس كان تخليها (الكعيب) عشان عندنا واحد من أهلنا إسمه كدا...
متعك الله بالصحة والعافية... وتشرفنا..
