السواح

كلنا حايمين من الصباح تقوم على الحوامة





تلاقيك مناظر ناس مواقف واشياء تقال واخرى لا تقال


نرجو ان تحكى لنا عن يومياتك مع الحوامة


وانا حايم

عاشق الطرب

السواح

المطرة مبروكة

اها ورينا لو ما فى مطرة كنت حا تحوم وين؟؟

واجمل حاجة حوامة ما بعد المطرة حوامة طينية

تنقا

ولاء الرفاس

انا غايته حاااااايمه في البيت

ومشيت العياده طبعا قريييييييييييييييييييييبه بس تقيف في الشارع تعاين يمينك تلقاها هناك او لو مكسل رقشه بي جنيه

امبارح السيل جى حايم بي شارع بيتنا خلانا نقعد ونسيب الحوامه

يلا الحوامه الجد بكره لانه عندي مليون مشوار

بحوم واجيكم
زبط؟

السواح

شنو قصة المطرة اليومين ديل

كل واحد خلى الحوامة قال المطرة ليه فى وحل ؟؟

السواح

والله لاكين الرقشات تعبت معاك

انا لو عندى ركشة بى جنيه ما بركبك الا تلاتة جنيه

واحدة زيك كدة عايزة تركب كارو بتاع الكارو قاليها تعالى بى هناك الحصان ما يشوفك

وانا حايم وطالما انكم حايمين حانتقابل تصدقوا

مش؟

منال محمد

انو غايتو حوامتي محدودة صغنوته بس طلعت حتة جنب البيت جاني الترحيل ومن الترحيل للشغل بس لاكن الليلة الجو عندنا كويس

السواح

انشاء الله جوكم دا يكون كويس على طول عشان تحومى تجيبى لينا اخبار حوامتك الصغنتوتة

يعنى الترحيل لو وقف ليك على بعد مترين تكون دى الحتة الماشا ليها مش؟؟


وانا حايم


وكان حايمين بنتلاقا

تنقا

منال محمد

خلاص النحكي ليك عن حوامت يوم الخميس كانت حوامه سمحه شديد مشيت حضرت برنامج امير الشعراء عشان ال شاعر السوداني بس للاسف مافي دعم سوداني تخيل ياسواح بالنسبة للشعب المورتاني الاستديو مليان لمن غلط وشاعرنا السوداني مافي غير نا وعائلة سودانيه خجله والله

السواح

انا الليلة حمت حوامة تعجب

كنت معزوم وهاك يا حاجات وحاجات وحاجات


والكلام الكلام ..........اتفضل سيد فلان ....وبلشت.... وما بلشت... وصحتين وتلات صحات...

غايتو لو ما الحوامة الواحد كان جاتو رطوبة

السواح

كان تدينا خبر والله نملى ليك الاستديو دا عمم لمن يابى

بس انشاء الله الود الشاعر دا يكون شعرو كويس

انا لو متاكد انك بتجى المسابقة كان بقيت شاعر

وشاعر مخضرم ومعاصر وشاعر راحل كمان

وكان حايمين بنتلاقا

ابونورة

اها وانا كنت حايم ...
لما فيني حسن ترلة ,.. قال لي الا تمشي معانا الليلة ... يابن الحلال امشي معاكم وين ؟ بس انت مالك ارح وبعدين بتعرف ... حلفت كان ما وروني ما بمشي ... اها بعد تلتلة وعولاق ... قال لي ما شين بيت خالتو آمنة ... اهاااااااااااااا طيرت عيوني قدر دة ... وقلت ليهم ... والله ما امشي معاكم ... حلف خليفة ترتار طلاق ... اها مافي طريقة طبعا لازم الواحد يحلل ليهو طلاقو دة ...
اها ... قمنا لفينا بالركشة بتاعتي طبعا الكلام دة كلو ... وهو اتاريهم ما حنانا فيني لكن ما دايرين يدفعوا حق المشوار ... اها
لاقتنا منال ودك ... وزكري هتش ... ومتماوية حبكانة ... وتنقا ( بتاع الحمار) لانو لو قلتا تنقا حمار بتبقي مصيبة ... اها ديل كلهم حلفو يمين شمال لازم يمشو معانا .. يا اخوانا الركشة دي ما بتشيلكم كلكم ... والمرة السمينة دي يشيلوها في شنو هسة ... اها ركبوا كارو وجرينا نحن بالركشة ... اها عتّرت لينا غنماية ناس حنان عنكوليب ..
اها كلب ناس زروق سكانا لحدي خور ابو عنجة ومنو رجعنا دخلنا علي شارع ابو كدوك ... والحمد لله لقينا عمك البدري ( البصير ) فاتح اها المكسر مكسر ... والعاضاهو الكلبة عاضاهو ... والمخربش والمجرح والحمد لله ...
بس هي لكن كانت حوامة نصاح !!!

القمر الاسود

هلأ بالسواح الرجل الحوام
والله انا حومت حومه في البلد دى لمن ودرته
لفيت لى لفتين كده( بى كرتين) لقيت يافطه مكتوب عليها
مرحباً بك فى مدينة شنو كده ماعارف رجعت للخريطه
اسكت ساى, عندى اخوى ليهو 18 سنه هنا
قال لى اكان دى حوامتك بطله عليك الله

القمر الاسود

والله يالسواح للحول تحوم ماتلم فينى
والله جوكر مايلمنا......

القمر الاسود

الواحد كان عايز يجى معاكم لاكن مدام فيها كلاب
انا بره وبعيد وعامل شخيييييييييييييط

انيس

ولاء الرفاس

انت جادي؟؟؟؟؟ والله وما ليك علي حلفان ركشتك دي كان ما ودتك الواطه تقول ولاء قالت لا يعني جنيت ولا جنيت شايل الكتيبه دي كلها؟؟؟ انت مسكين ولا شنو؟؟ دي حوامه تجيب وجع الظهر...واياني واياك تجي تقول لي ظهري واجعني ولا الديسك هايج علي ولا كدي اعملي لي معاك صورة اشعه....نعلم فيكم لمتين يعني؟؟؟؟؟؟؟؟؟؟